شاہ رخ اور سلمان کیساتھ فلموں کی آفرٹھکرانے پرافسوس نہیں امیشا پٹیل

اپنی پہلی ہٹ فلم ’کہو نا پیار ہے‘ کے ہیرو ہریتھک روشن کے ساتھ کام کرنا چاہتی ہوں، اداکارہ

ویب ڈیسک August 19, 2023

امیشا پٹیل کی نئی فلم ’غدر2‘ ہٹ ہوگئی ہے:فوٹو:فائل

بالی ووڈ اداکارہ امیشا پٹیل کا کہنا ہے کہ سپراسٹارز شاہ رخ خان اور سلمان خان کے ساتھ فلموں کی آفر ٹھکرانے پر افسوس نہیں۔

اداکارہ امیشا پٹیل نے بھارتی میڈیا کو انٹرویو میں کہا کہ انہیں شاہ رخ خان کی فلم 'چلتے چلتے' ، سلمان کی 'تیرے نام' اور سنجے دت کی بلاک بسٹر فلم 'منا بھائی ایم بی بی ایس ' میں کام کی آفرہوئی تھی تاہم دیگر پروجیکٹس میں مصروفیت کے باعث انہوں نے منع کردیا۔

امیشا پٹیل کا مزید کہنا تھا کہ ان فلموں میں کام کے لیے میرے پاس وقت نہیں تھا اور یہ آفرز ٹھکرانے پر کوئی افسوس بھی نہیں ہے۔ اپنی پہلی ہٹ فلم 'کہو نا پیار ہے ' کہ ہیرو ہریتھک روشن کے ساتھ کسی فلم میں کام کرنے کی منتظر ہوں۔

سنی دیول اور امیشا پٹیل کی ہٹ فلم 'غدر' کا سیکوئل 'غدر 2' حال ہی میں ریلیز ہونے کے بعد ہٹ ہوگیا ہے اور فلم اب تک کروڑوں کی کمائی کرچکی ہے۔