لاھور طوفانی بارش سے پانی گھروں میں داخل کئی علاقے بجلی سے محروم

لاھور میں طوفانی بارش سے سڑکوں پر کئی کئی فٹ پانی جمع ہو گیا اور بارش کا پانی گھروں اور دکانوں میں داخل ہونے لگا۔

وزیراعلیٰ شہباز شریف نے فوری صورتحال کا نوٹس لیتے ہوئے واٹر اینڈ سینیٹیشن ایجنسی کے حکام کو متاثرہ علاقوں سے پانی کی نکاسی کا کام ہنگامی بنیادوں پر شروع کرنے کا حکم جاری کردیا۔


شہر میں ہوئی موسلا دھار بارش کے باعث بجلی کے کئی فیڈرز بند ہو گئے جس کے باعث متعدد علاقے تاریکی میں ڈوب گئے، سڑکوں پر کئی موٹر سائیکلیں اور گاڑیاں بند ہو گئیں جس کے باعث ٹریفک جام ہو گیا۔

محکمہ موسمیات کے مطابق لاھور میں تیز بارشوں کا سلسلہ آئندہ دو روز تک جاری رہے گا جو دریاؤں میں طغیانی کا سبب بنے گا تاہم سیلاب کا کوئی خطرہ نہیں ہے۔