سعودی دلہن بیرون ملک ہنی مون کے دوران انتقال کرگئی

خاتون کے شوہر نے سوشل میڈیا پر انتقال کی خبر دی:فوٹو:فائل

---

سعودی عرب سے بیرون ملک ہنی مون منانے والے جوڑے کی خوشیاں غم میں تبدیل ہوگئیں۔

سعودی میڈیا کے مطابق سعودی عرب کے علاقے حائل سے تعلق رکھنے والی خاتون کی ایک ہفتے قبل رخصتی ہوئی تھی۔ خاتون بثینہ شائع ناصر القباع اپنے شوہر عبداللطیف العامر کے ساتھ ہنی مون منانے بوسنیا گئی ہوئی تھیں جہاں انہیں دل کا دورہ پڑا اور وہ انتقال کرگئیں۔

خاتون کے انتقال کی اطلاع ان کے شوہر نے سوشل میڈیا پر دی جو وائرل ہوگئی۔ صارفین نے عبداللطیف سے اظہارافسوس کرتے ہوئے خاتون کے خاندان سے بھی تعزیت اور ہمدردی کا اظہار کیا۔ خاتون کے شوہر نے سوشل میڈیا پر ویڈیو شیئر کی جس میں انہوں نے کہا کہ نوشتہ تقدیر پر راضی ہوں۔ انمول ساتھی سے محروم ہوگیا ہوں۔