بابوسر ٹاپ پر ڈکیتی کی واردات فائرنگ سے سیاح جاں بحق

ڈاکوؤں کے ایک گروہ نے سڑک کو پتھر ڈال کر بند کردیا تھا

---

ضلع دیامر کی حدود بابوسر ٹاپ پر رات گئے ڈکیتی کی واردات پیش آئی اور ڈاکوؤں کی فائرنگ سے سیاح جاں بحق ہوگیا۔

دیامر پولیس کے مطابق ڈاکوؤں کے ایک گروہ نے سڑک کو پتھر ڈال کر بند کردیا اور ایک کار کو روکنے کی کوشش کی۔

ڈرائیور نے گاڑی کا رخ موڑ کر بھگانے کی کوشش کی تو اسی دوران ڈاکوؤں نے کار پر فائرنگ کردی جس کے نتیجے میں کار میں اگلی سیٹ پر سوار ایک سیاح جاں بحق ہوگیا۔ فائرنگ سے کار میں سوار دیگر 5 افراد محفوظ رہے۔

𝐓𝐨𝐮𝐫𝐢𝐬𝐭 𝐬𝐡𝐨𝐭 𝐝𝐞𝐚𝐝 𝐝𝐮𝐫𝐢𝐧𝐠 𝐫𝐨𝐛𝐛𝐞𝐫𝐲 𝐚𝐭𝐭𝐞𝐦𝐩𝐭 𝐨𝐧 𝐁𝐚𝐛𝐮𝐬𝐚𝐫 𝐑𝐨𝐚𝐝

A tourist from Punjab was shot dead by robbers on Babusar Road at around 9:35pm, said a police report.

The tragic murder took place when a group of alleged robbers blocked… pic.twitter.com/fOpZdeslR2

— PAMIR TIMES ® (@pamirtimes) August 20, 2023

چلاس پولیس کا کہنا ہے کہ جاں بحق حاجی ارشد پیشے کے اعتبار سے پروفیسر تھے جن کا تعلق وہاڑی سے تھا۔ ڈی پی او مانسہرہ نے بتایا کہ واقعہ بابو سر ٹاپ سے پندرہ کلو میٹر دور گلگت کی حدود میں ہوا۔

سوشل میڈیا پر زیرگردش اطلاعات کے مطابق رواں سیزن میں بابوسر پر یہ ڈکیتی کی پانچویں واردات تھی۔