لاہور نجی ہاؤسنگ سوسائٹی میں کروڑوں کے فراڈ کا ملزم گرفتار

ملزم خرم شہزاد نجی ہاؤسنگ سوسائٹی میں بطور سیلز مارکیٹنگ کام کرتا تھا

---

نجی ہاؤسنگ سوسائٹی میں کروڑوں روپے کے فراڈ کا ملزم گرفتار کرلیا گیا۔

رائیونڈ انویسٹی گیشن پولیس نے ایک کارروائی کے دوران اربوں روپے کے فراڈ میں ملوث مفرور ملزم رائیونڈ سے گرفتار کرلیا گیا۔

پولیس ذرائع کے مطابق گرفتار ملزم خرم شہزاد نجی ہاؤسنگ سوسائٹی میں بطور سیلز مارکیٹنگ کام کرتا تھا ۔ خرم شہزاد پر کروڑوں روپے کی خورد برد کا الزام ہے۔ ملزم خرم شہزاد اور اس کے بھائی نے ایڈجسٹمنٹ فارم کی مد میں فراڈ کیا ۔

ملزم خرم شہزاد اپنے بھائی سمیت کروڑوں روپے کی رقم لے کر فرار ہوگیا تھا ۔ ایف آئی آر کے مطابق ہاؤسنگ سوسائٹی کا ریکارڈ پرائیویٹ فرم سے آڈٹ کرنے پر بڑا فراڈ سامنے آیا۔ گرفتار ملزم کے خلاف تھانہ رائیونڈ پولیس میں مقدمہ درج ہے ۔