بابراعظم نے ون ڈے میں بڑا اعزاز اپنے نام کرلیا

وہ 100 اننگز میں سب سے زیادہ رنز بنانے والے بیٹر بن گئے

ویب ڈیسک August 25, 2023

وہ 100 اننگز میں سب سے زیادہ رنز بنانے والے بیٹر بن گئے (فوٹو: کرک انفو)

قومی کرکٹ ٹیم کے کپتان بابراعظم نے ون ڈے انٹرنیشنل کرکٹ میں ایک اور ریکارڈ اپنے نام کرلیا۔

ہمبنٹوٹا میں افغانستان کے خلاف کھیلے گئے سیریز کے دوسرے میچ میں بابراعظم نے 100 ون ڈے اننگز میں سب سے زیادہ 5 ہزار 142 رنز بنانے کا اعزاز حاصل کرلیا، انہوں نے 58.43 کی اوسط سے رنز بنائے جس میں 18 سینچریاں اور 50 نصف سینچریاں شامل ہیں۔

مزید پڑھیں: ''بابراعظم بہترین کھلاڑی اور شاندار کپتان قرار''

اس سے قبل جنوبی افریقہ کے ہاشم آملہ 4 ہزار 946 کے ساتھ دوسرے، ویسٹ انڈیز کے ویو رچرڈز 4 ہزار 607 کے ہمراہ تیسرے، شائی ہوپ 4 ہزار 436 کے ساتھ چوتھے جبکہ انگلینڈ کے جو روٹ 4 ہزار 428 کے ساتھ پانچویں نمبر پر موجود ہیں۔

بابراعظم اب 100 ون ڈے اننگز کے بعد سب سے زیادہ رنز بنانے والے بلے بازوں میں سرفہرست ہیں۔

Skipper Babar Azam makes another record in ODI cricket 🔥#PakvsAfg #BabarAzam pic.twitter.com/143BrvAdAS
— Cricket Pakistan (@cricketpakcompk) August 24, 2023