بھارت میں ہندوتوا راج ٹیچر نے ہندو طلبا سے مسلمان بچے کو تھپڑ لگوادیے

بچے کو اسکول سے نکلوا لیا انتظامیہ ٹیچر کیخلاف کارروائی نہ کرنے کیلیے دباؤ ڈال رہی ہے، والد:فوٹو:اسکرین گریب

---

مسلمان دشمنی کے جنون میں مبتلا مودی سرکار میں خاتون اسکول ٹیچر نے اپنی نگرانی میں مسلمان طالب علم کو ہندو بچوں سے تھپڑ لگوائے۔

بھارتی ریاست اتر پردیش کے شہر مظفر نگر کے ایک سرکاری اسکول میں خاتون ہندوانتہا پسند ٹیچر نے کلاس کے بچوں کو کہا کہ وہ باری باری آ کر مسلمان طالب علم کو تھپڑ ماریں۔ سوشل میڈیا پر وائرل ویڈیو میں دیکھا جا سکتا ہے کہ ہندو بچے باری باری اپنی جگہ سے اٹھ کر آ رہے ہیں اور ٹیچر کے پاس کھڑے روتے ہوئے مسلمان بچے کو تھپڑ مار رہے ہیں۔

A Hindu school teacher in UP, India, asking Hindu kids in the class to hit a Muslim kid because he is Muslim! Islamophobia in India has crossed all boundaries. https://t.co/HET3utip7P

— Ashok Swain (@ashoswai) August 25, 2023

ویڈیو میں ٹیچر کو بچوں سے یہ کہتے ہوئے سنا جا سکتا ہے کہ ہلکے کیوں مار رہے ہو زور سے تھپڑ مارو۔ ہندو انتہا پسند ٹیچر نے ایک بچے کو مسلمان بچے کو تھپڑ مارنے کے بعد کمر پر بھی مارنے کی ہدایت کی۔ہندو ٹیچر نے ویڈیو بنانے والے کو مخاطب کرتے ہوئے مسلمانوں بچوں کی ماؤں کے بارے میں توہین آمیز الفاظ استعمال کیے۔

ویڈیو سوشل میڈیا پر آنے کے باوجود حکام نے کوئی ایکشن نہیں لیا جبکہ بچے کے والد کا کہنا ہے کہ انہوں نے بچے کو اسکول بھیجنا بند کردیا ہے۔اسکول انتظامیہ نے ٹیچر کے خلاف رپورٹ درج نہ کرانے کے لیے دباؤ ڈالا ہے اور اس کے بدلے میں داخلہ فیس معاف کرنے کا کہا ہے۔