شاداب خان کا بھارتی چیف سلیکٹر اجیت اگرکر کو کرارا جواب

کسی کے بولنے سے کچھ نہیں ہوتا، جب میچ ہوگا حقیقت کھل کر سامنے آجائے گی، نائب کپتان (فوٹو: ایکسپریس ویب)

---

بھارتی کرکٹ ٹیم کے چیف سلیکٹر اجیت اگرکر کو قومی ٹیم کے نائب کپتان شاداب خان نے کرارا جواب دیدیا۔

گزشتہ دنوں بھارتی سلیکشن کمیٹی چیئرمین اجیت اگرکر اور کپتان روہت شرما نے مشترکہ پریس کانفرنس کرتے ہوئے ایشیاکپ کیلئے 17 رکنی اسکواڈ کا اعلان کیا تو اس موقع پر صحافیوں کی جانب سے سوال کیا گیا کہ پاکستانی فاسٹ بولرز شاہین آفریدی اور حارث رؤف کے خلاف کوئی پلان ہے؟۔

جس پر سلیکشن کمیٹی کے چیئرمین اجیت اگرکر نے مسکراتے ہوئے جواب دیا کہ ''ویرات کوہلی انہیں دیکھ لیں گے''۔

مزید پڑھیں: شاہین اور حارث کا خوف؛ بھارتی سلیکشن کمیٹی کوہلی کا نام لینے پر مجبور

اس پر ردعمل دیتے ہوئے گزشتہ روز قومی ٹیم کے نائب کپتان شاداب خان نے کہا کہ کوئی کچھ بھی بول دے انکے بولنے سے کچھ نہیں ہوتا، اہمیت اس بات کی ہے کہ جب میچ ہوگا حقیقت کھل کر سامنے آجائے گی۔

مزید پڑھیں: ایشیاکپ؛ بھارتی ٹیم کے اسکواڈ میں کے ایل راہول اور بمراہ کی واپسی

قومی ٹیم نے افغانستان کے خلاف تین میچوں کی سیریز میں کلین سوئپ کرتے ہوئے کامیابی حاصل کرلی ہے، جس ساتھ پاکستان عالمی رینکنگ میں نمبر ایک ٹیم بن چکی ہے۔

دوسری جانب ایشیاکپ کیلئے قومی ٹیم کی تیاریوں کا سلسلہ جاری ہے، ایونٹ کا آغاز 30 اگست سے پاکستان اور نیپال کے درمیان میچ سے ہوگا جبکہ روایتی حریف بھارت اور پاکستان کی ٹیمیں 2 ستمبر کو کیڈی میں ایک دوسرے کے مدمقابل ہوں گی۔