ایشیا کپ میں شرکت کے لیے افغانستان کرکٹ ٹیم لاہور پہنچ گئی ہے۔

مہمان ٹیم کولمبو سے لنکا ائرلائن کے ذریعے علامہ اقبال ائرپورٹ پہنچی، جہاں پی سی بی کے عہدیداروں نے افغانستان کرکٹ ٹیم کا بھرپور استقبال کیا.

ایشیا کپ کے لیے آنے والی غیر ملکی ٹیموں کو صدارتی پروٹوکول دیا جارہاہے، افغانستان کرکٹ ٹیم کو بھی سخت سکیورٹی میں ائرپورٹ سے ہوٹل پہنچا دیا گیا ہے.

مزید پڑھیں: ایشیاکپ؛ افغان کرکٹ بورڈ نے 17 رکنی اسکواڈ کا اعلان کردیا

مہمان ٹیم کل سے قذافی اسٹیڈیم میں ٹریننگ کرے گی۔ افغانستان اوربنگلہ دیش کے درمیان میچ تین ستمبر کو کھیلاجائے گا۔