ایشیاکپ غلط فہمی اور زعم میں مبتلا بھارتی کرکٹرز کے بڑے دعوے

رابن اتھپا نے ٹورنامنٹ میں ممکنہ تین پاک بھارت مقابلوں میں ہندوستان کی کامیابی کی پیشگوئی کردی

ویب ڈیسک August 29, 2023

رابن اتھپا نے ٹورنامنٹ میں ممکنہ تین پاک بھارت مقابلوں میں ہندوستان کی کامیابی کی پیشگوئی کردی (فوٹو: ایکسپریس ویب)

سابق بھارتی کرکٹر رابن اتھپا نے ایشیاکپ 2023 کے دوران پاکستان کے خلاف ممکنہ تینوں میچز میں کامیابی کی بڑی پیشگوئی کردی۔

سابق بھارتی کرکٹر اور تجزیہ کار آکاش چوپڑا کو انٹرویو دیتے ہوئے بھارتی کرکٹر رابن اتھپا نے کہا کہ بھارت ایشیاکپ کے متوقع تینوں مقابلوں میں پاکستان کیخلاف کامیابی سمیٹنے کیلئے فیورٹ ہے۔

انہوں نے تسلیم کیا کہ پاکستانی ٹیم کیخلاف ایشیاکپ میں فتح سمیٹنا آسان نہیں ہوگا۔

مزید پڑھیں: ورلڈکپ؛ آکاش چوپڑا نے بھی 4 سیمی فائنلسٹ ٹیموں کا نام بتادیا

ایک اور بھارتی کرکٹر رودرا پرتاپ سنگھ نے کہا کہ ایشیاکپ میں بھارت اور پاکستان کے درمیان ہونے والے یہ میچ آئندہ ورلڈکپ کی تیاری کیلئے اہم ثابت ہوں گے، گرین شرٹس بھارت کیخلاف میچ میں مضبوط ترین لائن اپ کو میدان میں اتارے گی۔

مزید پڑھیں: ورلڈکپ کے آغاز سے قبل گنگولی کی پاکستانی ٹیم کیخلاف ہرزہ سرائی

واضح رہے کہ ایشیاکپ کے پہلے گروپ میچ میں 2 ستمبر کو روایتی حریف پاکستان اور بھارت کی ٹیمیں مدمقابل آئیں گی جبکہ سپر فور اور فائنل کیلئے بھی دونوں ٹیموں کو فیورٹ تصور کیا جارہا ہے، جس کے باعث دونوں ٹیمیں ورلڈکپ سے قبل تین بار ایک دوسرے سے ٹکرا سکتی ہیں۔