نئے گلوکار میوزک کمپوزر شاندار کام کر رہے ہیں انو ملک

مجھے نئے لوگوں کے ساتھ کام کرنے کا موقع ملا ہے اور مقابلہ بہت سخت ہے، انو ملک فوٹو : فائل

---

بالی ووڈ کے معروف گلوکار اور میوزک کمپوزر انو ملک نے کہا ہے کہ انھیں اب نئے ٹیلنٹ کے ساتھ کام کرنے کا موقع ملا ہے اور انھوں نے نئے ٹیلنٹ کے ساتھ بہت سخت مقابلے کی فضا پائی ہے۔

میڈیا سے گفتگو کرتے ہوئے انھوں نے کہا کہ مجھے نئے لوگوں کے ساتھ کام کرنے کا موقع ملا ہے اور مقابلہ بہت سخت ہے، میں اپنی دو بیٹیوں کے ذریعے نوجوان نسل سے رابطے میں ہوں اور میں نے دیکھا ہے کہ نوجوان بہت محنت سے کام کر رہے ہیں، انھوں نے کہا کہ آج کل کے سنگرز اور کمپوزرز انتہائی شاندار کام کر رہے ہیں، میں نوجوان نسل کے ساتھ کام کر کے بیحد خوشی بھی محسوس کرتا ہوں۔