سرِ راہ بوسہ کرتے جوڑے کو تیز رفتار کار نے کچل دیا

31 سالہ لڑکے کی موقع پر موت واقع ہوگئی جب کہ 26 سالہ لڑکی شدید زخمی ہے، فوٹو: ڈیلی میل

---

برازیل میں فٹ پاتھ پر چہل قدمی کے دوران نوجوان لڑکا اور لڑکی ایک دوسرے کے گلے لگ گئے اور بوس و کنار کرنے لگے۔ اسی دوران ایک تیز رفتار کار نے سڑک سے فٹ پاتھ پر آکر جوڑے کو کچل دیا۔

عالمی خبر رساں ادارے کے مطابق برازیل میں ہونے والے اس واقعے میں 31 سالہ لڑکے جوناتھن ریبیروا کی موقع پر ہی موت واقع ہوگئی جب کہ 26 سالہ لڑکی کو شدید زخمی حالت میں اسپتال منتقل کیا گیا۔

کار سوار جوڑے کو دور تک گھسیٹتے ہوئے لے گیا۔ سی سی ٹی وی فوٹیجز دیکھ کر خدشہ ظاہر کیا ہے کہ کار سوار نے دانستہ طور پر جوڑے کو کچلا ۔ کارسوار کو حراست میں لے لیا گیا۔

While a couple were kissing on the sidewalk in Sao Paulo, Brazil, the girl's boyfriend, 31-year-old Jonathan Ribeiro, died and his girlfriend was injured when a man deliberately drove his car into the couple. pic.twitter.com/o3Y38FXYMj

— Nico (@Nico00503) August 26, 2023

پولیس کا کہنا ہے کہ جان بوجھ کر کچلنے کے امکان کو رد نہیں کیا جا سکتا لیکن ابتدائی تفتیش سے لگتا ہے کہ ملزم نشے میں تھا اور تیز رفتاری کے باعث کار پر کنٹرول برقرار نہ رکھ سکا۔

پولیس نے کارسوار کے خلاف مقدمہ درج کرکے تحقیقات کا آغاز کردیا۔