امریکا پلٹ خاتون کو سابق شوہر نے جلا کر مار ڈالا
واقعہ گجرات کے علاقے ماڈل ٹاؤن میں پیش آیا، متوفیہ نے حال ہی میں امریکا سے واپس آکر کرائے دار سے شادی کی تھی
پنجاب کے شہر گجرات میں امریکا پلٹ خاتون کو شوہر نے زندہ جلا کر مار ڈالا۔
تفصیلات کے مطابق گجرات کے علاقے ماڈل ٹاؤن کی 42 سالہ رہائشی راشدہ نامی خاتون کو شوہر نے گھر پر پیٹرول چھڑک کر آگ لگائی، جس سے اُن کا جسم 65 فیصد تک جھلس گیا تھا۔
خاتون کو بیٹا اور دیگر لوگ تشویشناک حالت میں لے کر اسپتال گئے جہاں وہ زخموں کی تاب نہ لاتے ہوئے چل بسیں۔
بیٹے نے پولیس کو دیے گئے بیان میں بتایا کہ والدہ نے خلع کے بعد حال ہی میں امریکا سے واپس آکر کرائے دار سے دوسری شادی کرلی تھی۔
پولیس نے بیٹے کی مدعیت میں مقدمہ درج کر کے ملزم کی گرفتاری کیلیے ٹیمیں تشکیل دے دیں۔