شاہ محمود قریشی کے بیٹے زین قریشی کو بیرون ملک جانے سے روک دیا گیا

زین قریشی لاہور سے امارات ائیر لائن کے ذریعے دبئی جا رہے تھے (فوٹو : فائل)

---

پی ٹی آئی رہنما شاہ محمود قریشی کے بیٹے زین قریشی کو بیرون ملک جانے سے روک دیا گیا۔

ایکسپریس نیوز کے مطابق شاہ محمود قریشی کے بیٹے زین قریشی لاہور سے امارات ائیر لائن کے ذریعے دبئی جا رہے تھے تاہم انہیں ایف آئی اے حکام نے باہر جانے سے روک دیا اور واپس کردیا۔

ایف آئی اے امیگریشن نے زین قریشی کا نام ای سی ایل میں شامل ہونے کی بناء انہیں باہر جانے سے روکا ہے اور وہ تاحال وزارت داخلہ کی جانب سے نام نکالے جانے تک کسی بھی ذریعے سے بیرون ملک سفر نہیں کرسکتے۔