کے الیکٹرک مہنگی بجلی اور مہنگائی کیخلاف وکلا کا احتجاج بلز جلادیے

وکلا نے کے الیکٹرک کے خلاف شدید نعرے بازی کی۔

---

کے الیکٹرک ، اوور بلنگ، خفیہ چارجز اور مہنگائی کیخلاف وکلا سڑکوں پر نکل آئے۔

وکلا نے سندھ ہائیکورٹ سے کراچی پریس کلب تک احتجاجی ریلی نکالی اور کے الیکٹرک بل بھی نذر آتش کیئے۔

بجلی کے بلوں اور اشیاء خوردونوش کی قیمتوں میں اضافے کیخلاف وکلا نے احتجاج کیا اور سندھ ہائیکورٹ سے کراچی پریس کلب تک ریلی نکالی۔

کراچی کے وکلا اوور بلنگ اور مہنگائی کے خلاف میدان میں آگئے
سندھ ہائیکورٹ بار ایسوسی ایشن کی ہائیکورٹ سے پریس کلب تک ریلی
وکلا نے احاطہ عدالت میں احتجاج بجلی بل بھی نذر آتش کردیے
وکلا کی کے الیکٹرک کے خلاف شدید نعرے بازی
وکلا کا بجلی بلوں سے اضافی ٹیکس فوری واپس لینے کا مطالبہ pic.twitter.com/tcfWm4preM

— Shahid Hussain (@ShahidHussainJM) August 31, 2023

ریلی سے قبل سندھ ہائیکورٹ بار ایسوسی ایشن کا جنرل باڈی اجلاس ہوا۔

سابق وائس چیئرمین سندھ بار کونسل بیرسٹر حیدر امام ایڈووکیٹ نے کہا کہ ایسٹ انڈیا کمپنی کی طرح ملک کو لوٹا جارہا ہے، جو آواز اٹھائے گا اس کو اٹھا لیا جائے گا۔ ایمان مزاری کی طرح کئی خواتین کو لاپتا کیا گیا ہے۔ کے الیکٹرک کے بڑھتے ہوئے بجلی کے بلوں کیخلاف ہم عوام کے ساتھ کھڑے ہیں۔

وکلا نے کے الیکٹرک ، اوور بلنگ، خفیہ چارجز اور مہنگائی کیخلاف پلے کارڈز اٹھائے رکھے تھے۔ انہوں نے کے الیکٹرک کے خلاف شدید نعرے بازی کی اور کے الیکٹرک کے بلز بھی نذر آتش کردیئے۔

وکلا نے بجلی کے بلوں میں فوری رلیف دینے اور اضافی ٹیکس واپس لینے کا مطالبہ کیا۔