فائیو سائیڈ ٹورنامنٹ پاکستان اور ملائشیا میچ سنسنی خیز مقابلے کے بعد برابر

فائیو سائیڈ ایشیا ہاکی کپ میں پاکستان نے پوائنٹس ٹیبل پر پہلی پوزیشن پر جگہ بنال (فوٹو: ٹوئٹر)

---

فائیو سائیڈ ایشیا ہاکی کپ میں پاکستان اور ملائیشیا کا میچ سنسنی خیز مقابلہ کے بعد 5-5 گول سے برابر ہوگیا۔

پاکستان کی جانب سے کپتان رانا عبدالوحید اشرف نے 3، عبدالرحمٰن اور مرتضیٰ یعقوب نے ایک ایک گول اسکور کیا۔

عمان کے شہر صلالہ میں جاری ٹورنامنٹ میں پاکستان نے پوائنٹس ٹیبل پر 13 پوائنٹس کے ساتھ پہلی پوزیشن پر جگہ بنالی۔ انڈیا 12 پوائنٹس کے ساتھ دوسرے اور ملائشیا 10 پوائنٹس کے ساتھ تیسرے نمبر پر ہے۔

مزید پڑھیں: فائیو سائیڈ ٹورنامنٹ؛ پاکستان ہاکی ٹیم نے بنگلہ دیش کو روند ڈالا

پاکستان فائیو سائیڈ ہاکی ٹیم کی کوچنگ کے فرائض اولمپیئن وسیم فیروز سرانجام دے رہے ہیں جبکہ ٹیم مینجر میجر (ر) محمد شاہنواز خان اپنی پیشہ ورانہ ذمہ داریاں سرانجام دے رہے ہیں۔

Full Time
Men's Hockey5s Asia Cup 2023
Qualifier - FIH Hockey5s World Cup 2024
Watch all matches live on AHF YouTube: https://t.co/Fn2SEbXIE3#Hockey5s#Hockey5sAsiaCup#Hockey5sWorldCup#asiahockey pic.twitter.com/cEVTFO68TE

- Asian Hockey Federation (@asia_hockey) August 31, 2023

پاکستان فائیو سائیڈ ہاکی ٹیم میں گول کیپرز: عبداللہ اشتیاق خان، علی رضا، ڈیفینڈر: محمد عبداللہ، مڈ فیلڈز: احتشام اسلم، محمد مرتضی یعقوب، سٹرائکرز: ارشد لیاقت، ذکریا حیات، رانا عبدالوحید اشرف، عبدالرحمٰن اور عبدالوہاب شامل ہیں۔

مزید پڑھیں: پاکستان ہاکی ٹیم نے اعصاب شکن میچ میں بھارت کو ہرادیا

فائیو سائیڈ ایشیاء کپ میں 11 ٹیمیں شرکت کررہی ہیں جس میں پاکستان، انڈیا، افغانستان، انڈونیشیا، ایران، جاپان، بنگلہ دیش، ہانگ کانگ چائینہ، قازقستان، مالئشیا اور میزبان ملک عمان کی ٹیمیں شامل ہیں۔