پشاور بی آر ٹی سروس دن بھر معطل رہنے کے بعد بحال
آئی ٹی سسٹم اپ ڈیٹ اور مرمتی کام کی وجہ سے بس سروس معطل کی گئی تھی، ترجمان ٹرانس پشاور
صوبائی دارالحکومت میں بی آر ٹی سروس دن بھر معطل رہنے کے بعد شام چھ بجے بحال کردی گئی۔
ایکسپریس نیوز کے مطابق پشاور میں مصروف عمل بس ریپڈ ٹرانزٹ سسٹم ' ٹرانس پشاور ' نےاعلان کیا تھا کہ آئی ٹی سسٹم اپ ڈیٹ اور مرمتی کام کی وجہ سے آج صبح دس بجے کے بعد بس سروس معطل رہے گی۔
بعدازاں ترجمان ٹرانس پشاور کی جانب سے اعلان کیا گیا کہ ق مرمتی کام مکمل ہونے کے بعد شام 6 بجے سے تمام روٹس پر سروس معمول کے مطابق چلے گی۔
ٹرانس پشاور نے بسوں کی معطلی کی وجہ سے مسافروں کو پیش آنے والی مشکلات پر معذرت بھی کی۔