مہنگائی بجلی کے زائد بل ملک بھر میں شٹر ڈاؤن ہڑتال

کراچی، لاہور اور پشاور سمیت ملک کے مختلف چھوٹے بڑے شہروں میں دکانیں اور کاروباری مراکز بند

ویب ڈیسک September 02, 2023

کراچی میں تاجروں کی ہڑتال، تھوک،بڑی مارکیٹیں بند رہیں، تاجر ایکشن کمیٹی کاحکومت کو 72گھنٹوں کا الٹی میٹم (فوٹو: فائل)

جماعت اسلامی اور تاجر تنظیموں کی جانب سے ہنگائی اور بجلی کے زائد بلوں کے خلاف ملک بھر میں شٹرڈاؤن ہڑتال رہی۔

کراچی، لاہور اور پشاور سمیت ملک کے مختلف چھوٹے بڑے شہروں میں دکانیں اور کاروباری مراکز بند جبکہ سڑکوں پر ٹرانسپورٹ اور بسیں بھی معمول سے کم رہی۔ وکلا نے بھی ہڑتال کی حمایت کا اعلان کیا جس کی وجہ سے وہ عدالتوں میں پیش نہیں ہوئے۔

واضح رہے کہ کراچی تاجر ایکشن کمیٹی نے نگران حکومت کو زائد بجلی کے بلوں میں کمی اور اضافہ شدہ پیٹرولیم لیوی واپس لینے کیلیے 72گھنٹوں کا الٹی میٹم دیدیا ہے، یہ الٹی میٹم کراچی تاجر ایکشن کمیٹی کے کنوینر محمد رضوان نے گزشتہ روز پریس کانفرنس سے خطاب کرتے ہوئے دیا۔

ریاستی معاشی دہشتگردی اور بجلی کے بلوں کے خلاف #ملک_گیرعوامی_ہڑتال میں پشاور کے ایک بازار کے مناظر https://t.co/o4FgDc29sS
— Umer Inam (@UmerInamPk) September 2, 2023

کراچی کے تاجروں کی جانب سے بجلی کے اضافی بلوں، مہنگائی کے خلاف جمعہ کو بھی شٹرڈاؤن ہڑتال کے باعث شہر کی تھوک اور بڑی مارکیٹیں بند رہیں تاہم محلوں کی سطح پر چھوٹی دکانیں کھلی رہیں۔

مزید پڑھیں: وزیراعظم نے بجلی بلوں سے متعلق اپنے بیان کی وضاحت کردی

دریں اثنا پنجاب بار کونسل نے بھی مہنگائی کے خلاف ماتحت عدالتوں میں ہڑتال کیا۔

#ملک_گیرعوامی_ہڑتال کراچی کا منظر pic.twitter.com/6kA3tNyxt8
— 𝐼𝓂𝓇𝒶𝓃 𝐿𝒶𝓁𝒾𝓀𝒶 (@Lalika79) September 2, 2023

یہ بھی پڑھیں: 2 ستمبر تک بجلی اور پیٹرول کی قیمت میں اضافہ واپس نہ لیا تو بڑے حملے کا سامنا کرنا ہوگا، سراج الحق

خیال رہے کہ کراچی میں گزشتہ روز بھی بجلی کے بلوں میں اضافے کے خلاف تاجروں کی طرف سے مکمل ہڑتال کی گئی تھی، جس کے نتیجے میں تمام ہول سیل مارکیٹیں اور بڑے بازار مکمل طور پر بند رہیں۔

یہ بھی پڑھیں: ایک ہفتے کے دوران 20 اشیاء کی قیمتیں مزید بڑھ گئیں، ادارہ شماریات

ایکسپریس ٹریبیون سے گفتگو کرتے ہوئے کے سی سی آئی کے صدر محمد طارق یوسف نے کہا کہ ہمیں امید ہے کہ حکومت بحران سے نکلنے کیلیے کوئی مناسب حل تلاش کرلے گی، کچھ روز کے بعد ہم اجلاس منعقد کرکے صورتحال کا جائزہ لیں گے، اور مناسب فیصلے کریں گے۔

#ملک_گیرعوامی_ہڑتال و احتجاج لوکیشن مریدکے pic.twitter.com/Ymg2Uzy1y5
— 𝐼𝓂𝓇𝒶𝓃 𝐿𝒶𝓁𝒾𝓀𝒶 (@Lalika79) September 2, 2023

علاوہ ازیں، ایف پی سی سی آئی کے صدر عرفان اقبال شیخ نے کہا کہ حکومت دیوار پر لکھے کو پڑھنے میں ناکام ہورہی ہے، دوبارہ پیٹرول کی قیمتوں میں اضافہ کرکے مہنگائی کی ایک نئی لہر کو جنم دینے کی بنیاد رکھ دی ہے، جس کے نتیجے میں ملک کی ایکسپورٹ بری طرح سے متاثر ہوگی، سب سے خوفناک بات یہ ہے کہ پیٹرولیم لیوی بڑھ کر 60 روپے لیٹر ہوچکی ہے، ہمیں معاشی بحران سے نکلنے کیلیے آؤٹ آف دا باکس حل ڈھونڈنے ہوں گے۔