بجلی کے زائد بلوں کے خلاف خواجہ سرا بھی میدان میں آگئے

مظاہرین خواجہ سراؤں نے مری روڈ تک مارچ کیا اور مریڑ چوک کو بند کرکے سینے پیٹتے رہے۔

Numainda Express September 02, 2023

مظاہرین خواجہ سراؤں نے مری روڈ تک مارچ کیا اور مریڑ چوک کو بند کرکے سینے پیٹتے رہے۔

خواجہ سراؤں نے بجلی کے بھاری بلوں کے خلاف احتجاجی مظاہرہ کیا، مظاہرین نے مری روڈ کو بلاک کرکے نعرے بازی کی جس سے ٹریفک روانی متاثر ہوئی۔

راولپنڈی شی میل ایسوسی ایشن کی چئیرپرسن الماس بوبی کی کال پر خواجہ سراؤں کی بڑی تعداد اسلام آباد الیکٹرک سپلائی کمپنی (آئیسکو) آفس مریڑ چوک آفس کے باہر جمع ہوئی اور اختجاج ریکارڈ کرایا۔

تھری ایم پی او لگاو اب؟

راولپنڈی؛خواجہ سرا کا مہنگائی کے خلاف احتجاج#ملک_گیرعوامی_ہڑتال pic.twitter.com/ZJJYJnbDw9
— Abdul Jabbar (@abduljabbarisb) September 2, 2023

مظاہرین نے ہاتھوں میں پلے کارڈز اور بینرز اٹھا رکھے تھے جن پر نعرے درج تھے۔ مظاہرین خواجہ سراؤں نے مری روڈ تک مارچ کیا اور مریڑ چوک کو بند کرکے سینے پیٹتے رہے۔

راولپنڈی: بجلی بلوں میں اضافہ خواجہ سراؤں کا احتجاج#ملک_گیرعوامی_ہڑتال pic.twitter.com/WookN3VhGl
— Abdul Jabbar (@abduljabbarisb) September 2, 2023

ان کا کہنا تھا بجلی کے زائد بلوں سے دیگر افراد کی طرح خواجہ سرا بھی متاثر ہوئے ہیں، حکومت بجلی کے بلوں میں اضافہ فوری واپس لے۔

خواجہ سرا احتجاج ریکارڈ کرانے کے بعد پرامن طور پر منتشر ہوگئے۔