بنوں میں دو گروپوں کے درمیان مسلح تصادم کے نتیجے میں باپ بیٹے سمیت5 افراد جاںبحق

پولیس نے واقعے کی تحقیقات شروع کردی ہے تاہم اب تک کوئی گرفتاری عمل میں نہ لائی گئی۔ فوٹو: فائل

---

کینٹ کے علاقے سورنگی میں دو گروپوں کے درمیان مسلح تصادم کے نتیجے میں باپ بیٹے سمیت 5 افراد جاںبحق جبکہ ایک شخص زخمی ہوگیا۔

ایکسپریس نیوز کے مطابق بنوں کے علاقے کینٹ میں سورنگی کے قریب گندم کی کٹائی جاری تھی اس دوران کھیتوں کی گزر گاہ کے تنازعے پر 2 گروپ آپس میں لڑ پڑے، دیکھتے ہی دیکھتے معمولی جھگڑا مسلح تصادم کی صورت اختیار کرگیا اور دونوں جانب سے ہتھیاروں کا آزادنہ استعمال کیا گیا۔ فائرنگ کے تبادلے میں باپ اور بیٹے سمیت 5 افراد جاں بحق جب کہ ایک شخص زخمی ہوگیا۔

لاشوں اور زخمی کو بنوں ڈسٹرکٹ اسپتال منتقل کردیا گیا ہے۔ جہاں زخمی کو طبی امداد فراہم کی جارہی ہے۔ پولیس نے واقعے کی تحقیقات شروع کردی ہے تاہم اب تک کوئی گرفتاری عمل میں نہ لائی گئی۔