ایشیاکپ پاکستانی فاسٹ بولرز نے نئی تاریخ رقم کردی

شاہین، نسیم اور حارث بھارتی کھلاڑیوں کی 10 وکٹیں لے اڑے

ویب ڈیسک September 03, 2023

شاہین، نسیم اور حارث بھارتی کھلاڑیوں کی 10 وکٹیں لے اڑے (فوٹو: ایکسپریس ویب)

ایشیاکپ میں بھارت کے خلاف پاکستانی فاسٹ بولرز نے نئی تاریخ رقم کردی۔

گزشتہ روز روایتی حریف پاکستان اور بھارت کے درمیان پالے کیلے میں کھیلا گیا میچ بارش کی نذر ہوگیا تاہم دونوں ٹیموں کو ایک ایک پوائنٹ دیدیا گیا تھا۔

ٹورنامنٹ کے اس میچ کی خاص بات یہ تھی کہ پاکستان کی جانب سے تینوں فاسٹ بولرز نے میچ میں بھارت کی 10 وکٹیں حاصل کیں، جو ایشیاکپ کی تاریخ میں ایک ریکارڈ ہے۔

مزید پڑھیں: ایشیاکپ؛ پاک بھارت کرکٹرز کی دوستی پر گوتم گمبھیر چراغ پَا ہوگئے

بھارت نے میچ میں ٹاس جیت کر پہلے بیٹنگ کرنے کا فیصلہ کیا تاہم شاہین شاہ آفریدی اور حارث رؤف نے بھارتی ٹاپ آرڈر کو ریت کی دیوار بنادیا۔

مزید پڑھیں: ایشیاکپ؛ پاک بھارت میچ دیکھنے کیلئے کن شوبز شخصیات نے اسٹیڈیم کا رخ کیا

اوپنر روہت شرما 11، ویرات کوہلی 4، شبمن گِل 10 اور شیرس ایر کو شاہین اور حارث نے ابتداء ہی میں پویلین کی راہ دیکھائی جبکہ اور ہندوستانی بیٹنگ لائن کی کمر توڑ دی۔

میچ میں شاہین شاہ آفریدی نے 4 جبکہ حارث اور نسیم شاہ نے 3، 3 شکار کیے۔

ایشیاکپ میں تینوں پاکستانی بالرز کی جانب سے بھارتی ٹیم کی 10 وکٹیں لیکر تیز گیند بازوں کا پہلا مجموعہ بن کر تاریخ رقم کی۔