بھارتی کرکٹ بورڈ کا وفد تین روزہ دورے پر کل پاکستان پہنچے گا
بھارتی وفد کی قیادت بی سی سی آئی کے صدر راجر بنی کریں گے، وفد میں نائب صدر راجیو شکلا بھی شامل ہوں گے
پی سی بی کی دعوت پر بھارتی کرکٹ بورڈ کا تین رکنی وفد کل دوپہر واہگہ بارڈر کے راستے لاہور پہنچے گا۔
ایکسپریس نیوز کے مطابق بھارتی وفد کی قیادت بی سی سی آئی کے صدر راجر بنی کریں گے، وفد میں بی سی سی آئی کے نائب صدر راجیو شکلا بھی شامل ہوں گے۔
پی سی بی مینجمنٹ کمیٹی کے سربراہ ذکا اشرف بھارتی مہمانوں کا واہگہ بارڈر پر استقبال کریں گے۔ بھارتی وفد پی سی بی حکام کے ساتھ باہمی دلچسپی کے امور پر تبادلہ خیال کرے گا۔
مزید پڑھیں: ایشیاکپ؛ جے شاہ کو پہلا میچ دیکھنے کی پاکستانی دعوت
بھارتی وفدایشیا کپ کے میچ دیکھنے کے علاوہ گورنر ہاؤس میں عشائیے میں بھی شرکت کرے گا۔