پاکستان اور بھارت تعلقات کرکٹ سے ہی سے بہتر ہوسکتے ہیں شاہد آفریدی
دونوں ٹیموں کے درمیان میچ دوستانہ ماحول میں ہونا خوش آئند ہے، شاہد آفریدی
پاکستانی کرکٹر شاہد آفریدی نے کہا کہ ایشیا کپ میں بھارت اور پاکستان کرکٹ ٹیموں کے درمیان میچ دوستانہ ماحول میں ہونا خوش آئند ہے۔
ایکسپریس نیوز کے مطابق شاہد آفریدی نے میڈیا نمائندوں سے گفتگو کرتے ہوئے کہا کہ کرکٹ سے سیاست کو الگ تھلگ رکھا جائے، پیار و محبت کا ہی پیغام دیا جائے تو بہتر ہے۔
انہوں نے کہا کہ بھارت اور پاکستان کرکٹ ٹیموں کے درمیان میچ دوستانہ ماحول میں ہونا خوش آئند ہے اور دونوں ممالک کے درمیان تعلقات کرکٹ سے ہی بہتر ہوسکتے ہیں۔
مزید پڑھیں: گوتم گمبھیر آپے سے باہر، اسٹیڈیم میں تماشائیوں کو نازیبا اشارہ
انہوں نے یہ بھی کہا کہ پاکستان کرکٹ ٹیم ایشیا کپ میں بہترین کارکردگی پیش کررہی ہے۔ نیپال اور بھارت کے خلاف غیر معمولی کارکردگی رہی تاہم بیٹنگ اور بولکنگ کے عمدہ امتزاج کو برقرار رکھنا ہوگا۔ انہوں نے یہ بھی کہا کہ پاکستانی اسپنرز کو کچھ زمہ داری دکھانی ہوگی۔ اسی طرح شاداب اور نواز کو وکٹیں حاصل کرنا ہوں گی۔