بھارتی کرکٹ بورڈ کا 4 رکنی وفد پاکستان پہنچ گیا

وفد میں بی سی سی آئی کے صدر راجر بنی ، نائب صدر راجیو شکلا اور دیگر حکام شامل

ویب ڈیسک September 04, 2023

وفد میں بی سی سی آئی کے صدر راجر بنی ، نائب صدر راجیو شکلا اور دیگر حکام شامل

ایشیاکپ کے میچز دیکھنے کیلئے بھارتی کرکٹ بورڈ کا 4 رکنی وفد پاکستان پہنچ گیا۔

بی سی سی آئی کا وفد 2 روزہ دورے پر واہگہ بارڈر کےراستے پاکستان پہنچا۔ ہوٹل پہنچنے پر چیئرمین پی سی بی مینجمنٹ کمیٹی چوہدری ذکاء اشرف نے وفد کا استقبال کیا۔

وفد میں بی سی سی آئی کے صدر راجر بنی ، نائب صدر راجیو شکلا، ڈائریکٹر بی سی سی آئی یُودھویر سنگھ اور سیکریٹری ٹو نائب صدر محمد اکرم شامل ہیں۔

مزید پڑھیں: بھارتی کرکٹ بورڈ کا وفد تین روزہ دورے پر کل پاکستان پہنچے گا

بھارتی وفد پاکستان کرکٹ بورڈ کے حکام سے باہمی دلچسپی کے امور پر تبادلہ خیال کرے گا۔ گورنر ہاؤس پنجاب میں بھارتی وفد کے اعزاز میں عشائیے کا اہتمام بھی کیا جائے گا۔

واضح رہے کہ انڈین کرکٹ بورڈ کا وفد 2008 کے بعد پاکستان آیا ہے۔

Visuals from Indo-Pak Border:

BCCI President Roger Binny & Vice-President Rajeev Shukla crossed the Attari–Wagah border in Punjab.

They are visiting Pakistan for Asia Cup 2023.pic.twitter.com/XRKAzY3dUT
— The Analyzer (News Updates🗞️) (@Indian_Analyzer) September 4, 2023