ملک میں حکومت کیئر ٹیکر نہیں بلکہ انڈر ٹیکر ہے اختر مینگل

بلوچستان نیشنل پارٹی کے سربراہ اختر مینگل نے کہا ہے کہ ملک میں حکومت کیئر ٹیکر نہیں بلکہ انڈر ٹیکر ہے۔


کوئٹہ میں شمولیت نیشنل پارٹی کے رہنما ابراہیم لہڑی ایڈوکیٹ کی ساتھیوں سمیت بی این پی میں شمولیت کے موقع پر میڈیا سے گفتگو کرتے ہوئے اختر مینگل نے کہا کہ ملک میں مہنگائی اور امن و امان سے زیادہ سنگین مسئلہ لاپتہ افراد کا ہے، آج بلوچستان کا کوئی علاقہ محفوظ نہیں اور حالات پہلے جیسے ہی ہیں۔

انہوں نے کہا کہ بی این پی کو ایک جانب دھکیلا جارہا ہے، آج بھی حالات بدلے نہیں ہیں، ہم نے ہمیشہ لاپتہ افراد کی بات کی ہے اور اپنے اس مؤقف کی وجہ سے ہمیں سیاسی نقصان اٹھانا پڑا ہے۔