’’کوہلی کوہلی‘‘ کے نعروں سے ٹرول گمبھیر نے پاکستانی فینز پر ملبہ گرادیا

نازیبا اشارہ کرنے پر بےتُکی وضاحت پیش کردی

ویب ڈیسک September 05, 2023

نازیبا اشارہ کرنے پر بےتُکی وضاحت پیش کردی (فوٹو: ایکسپریس ویب)

سابق بھارتی کرکٹر اور بی جے پی کے رہنما گوتم گمبھیر نے اسٹیڈیم میں تماشائیوں کو نازیبا اشارہ کرنے پر وضاحت پیش کردی۔

سماجی رابطے کی سائٹ ٹوئٹر (ایکس) پر سابق بھارتی اوپنر گوتم گمبھیر نے بھارت اور نیپال کے درمیان میچ کے دوران کوہلی کوہلی کے نعرے لگائے تو گوتم گمبھیر غصے میں آگئے اور اپنے ہاتھ کی درمیانی انگلی سے شائقین کی طرف نازیبا اشارہ کیا، جس انہیں تنقید کا نشانہ بنایا گیا تھا۔

بعدازاں گوتم گمبھیر نے میڈیا سے گفتگو میں کہا کہ ''وہاں کچھ پاکستانی لوگ بھارت مخالف اور کشمیر سے متعلق نعرے بازی کررہے تھے جس کا جواب دیا''۔

مزید پڑھیں: ایشیاکپ؛ گمبھیر پھر آپے سے باہر، اسٹیڈیم میں تماشائیوں کو نازیبا اشارہ

دوسری جانب ویڈیو میں دیکھا جاسکتا ہے کہ گوتم گمبھیر نے جھوٹ کا سہارا لیا جبکہ اسٹیڈیم میں موجود شائقین انہیں ٹرول کرنے کیلئے کوہلی کوہلی کے نعرے لگارہے تھے۔

مزید پڑھیں: ایشیاکپ؛ پاک بھارت کرکٹرز کی دوستی پر گوتم گمبھیر چراغ پَا ہوگئے

قبل ازیں گزشتہ دنوں پاکستان اور بھارت کے درمیان میچ کے بعد گمبھیر نے ایک بیان دیا تھا کہ جس میں انہوں نے کہا تھا کہ ہمارے کھلاڑیوں کو پاکستان پلئیرز سے اتنا ہنس اور میل جول مظاہرہ نہیں کرنا چاہیے۔

مزید پڑھیں: آئی پی ایل؛ گمبھیر، کوہلی اور نوین الحق پر جرمانے

دوسری جانب گوتم گمبھیر کی انڈین پریمئیر لیگ (آئی پی ایل) میں ویرات کوہلی کے ساتھ بھی تلخ کلامی ہوئی تھی۔

واضح رہے کہ یہ پہلا موقع نہیں جب گمبھیر نے پاکستانی فینز یا پلئیرز کے بارے میں غلط الفاظ کا انتخاب کیا ہو وہ ماضی میں بھی شاہد آفریدی، کامران اکمل سے میدان میں الجھتے رہے ہیں۔