ساکشی چوہدری ’’67 ڈیز‘‘ میں پریانکا چوپڑا کا کردار نبھائیں گی

پریانکااچھی اداکارہ ہیں، ان کا کردار نبھانا چیلنج ہے امید ہے میں اس کے ساتھ پوری طرح انصاف کرسکوں گی ،ساکشی۔ فوٹو: فائل

---

ساکشی چوہدری فلم ''67 ڈیز'' میں بالی ووڈ اداکارہ پریانکا چوپڑا کا کردار ادا کریں گی۔

بھارتی ذرائع ابلاغ کے مطابق ساکشی چوہدری فلمساز اسیم مرچنٹ کی فلم'' 67 ڈیز ''میں پریانکا چوپڑا کا کردار ادا کر رہی ہیں فلم میں پریانکا چوپڑا کا کردار نبھانے کے لیے وہ تربیتی ورکشاپ لیں گی جس میں وہ پریانکا چوپڑا کی تمام تر فلمیں دیکھیں گی اور ان کا انداز اور اداکاری پر غور کریں گی۔ ساکشی کا اس حوالہ سے کہنا ہے کہ پریانکا ایک اچھی اداکارہ ہیں ان کا کردار نبھانا فلم میں چیلنجنگ ہے وہ امید کرتی ہیں کہ وہ فلم میں کردار کے ساتھ انصاف کر پائیں اور اچھی اداکارہ کا کردار نبھا پائیں۔

ساکشی چوہدری نے جنہوں نے کیرئیر کا آغاز 2013ء میں تیلگو فلم ''Potugudu'' سے کیا،یہ فلم باکس آفس پر ہٹ ہوئی جس پر کناڈا میں بھی اس کا ریمیک بنایا جارہا ہے ۔ ماڈل واداکارہ ساکشی چوہدری کو بالی وڈ میں فیروز نڈیاوالہ نے اپنی کامیاب ''ہیرا پھری''کے تیسرے اور چوتھے سیکوئل میں مرکزی ہیروئن کاسٹ کرلیا ہے جس کے رائٹر ڈائریکٹر انیس بزمی ہیں۔ اس سیریل کی تیسری فلم میں وہ جان ابراہیم اور چوتھی میں اکشے کمار کے مقابل ہیروئن کا کردار نبھائینگی۔ اداکارہ کو2004ء کی کامیاب فلم''جولی'' کے سیکوئل میںبھی سائن کرلیا ہے جب کہ پہلی فلم میں نہیا دھوپیا ہیروئن تھیں جسے بولڈ مناظر پر کافی تنقید کا سامنا کرنا پڑا تھا۔

ساکشی چوہدری کو حال ہی میں بالی وڈ کی معروف اداکارہ پریانکا چوپڑا کی زندگی پر بننے والی فلم کے لیے منتخب کرلیا گیا ہے جب کہ پریانکا چوپڑا اپنی زندگی پر بننے والی فلم پر ناراضگی کا اظہار کیا ہے۔مذکورہ فلم کو پریانکا چوپڑا کے مبینہ عاشق اسیم مرچنٹ پروڈیوس کر رہے ہیں ، جن کے بارے میں بتایا گیا ہے کہ فلموں میں آنے سے قبل جب پریانکا ماڈلنگ کرتی تھی تب وہ اس کے بوائے فرینڈ تھے۔ اداکارہ ساکشی چوہدری کا اس فلم کے بارے میں کہنا ہے کہ پریانکاچوپڑا بالی وڈ کا بڑا نام ہے اور اس کا کردار کرکے خوشی ہوگی۔ بتایا گیا ہے کہ یہ فلم پریانکا چوپڑا کے ماڈلنگ کے دنوں کی عکاسی کی جائے گی۔