68 افراد کے قتل میں ملوث گینگ وارکارندے سمیت 9 ملزم گرفتار

گذری پولیس نے لوٹ مار کرنیوالے نزاکت اور ساجد کوگرفتار کرکے اسلحہ برآمد کرلیا. فوٹو: فائل

---

MARDAN: پولیس نے شہر کے مختلف علاقوں میں کارروائی کرتے ہوئے 68 افراد کے قتل میں ملوث گینگ وار کے ملزم سمیت 9 ملزمان کو گرفتاری کر کے اسلحہ اور دستی بم برآمد کرلیا۔

تفصیلات کے مطابق اینٹی وائیلنٹ کرائم سیل پولیس نے تھانہ پاک کالونی کے علاقے جہان آباد میوہ شاہ قبرستان کے قریب چھاپہ مارکر لیاری گینگ وار نور محمد عرف بابا لاڈلہ کے کارندے شہروز بلوچ کو گرفتار کر کے اس کے قبضے سے2 دستی بم اور ایک کلاشنکوف برآمد کرنے کا دعویٰ کیا ہے ، پولیس کے مطابق گرفتار ملزم نے لیاری ، پاک کالونی ، بلدیہ ٹائون ، کھارادر اور مختلف علاقوں میں اپنے مخالفین کے68 سے زائد افراد کو قتل کرنے کا انکشاف کیا ہے۔

گرفتار ملزم سے مزید تفتیش جاری ہے ، گذری پولیس نے جامی کمرشل میں قائم ہزارہ ہوٹل پر لوٹ مار کرنے والے 2 ملزمان نزاکت اور ساجد کو گرفتار کرکے اسلحہ برآمد کرلیا ، نیو کراچی صنعتی ایریا پولیس نے خمیسو گوٹھ سے 6ملزمان یونس ، عاصم ، اسلام ، ارشاد ، عامر اور عبدالوہاب کو گرفتار کرکے بھاری مقدار میں چرس اور کچی شراب کی بوتلیں برآمد کرلی ، پولیس کے مطابق ملزمان روشو نامی منشیات فروش کے اڈے پر منشیات فروخت کرتے ہیں۔