جہاز سے 35000 فِٹ کی بلندی پر طوفان کا خوفناک منظر ویڈیو وائرل

[فائل-فوٹو]

---

گرج چمک کے ساتھ طوفان عام طور پر انسانی ذہن میں بہت سی تصاویر کو جنم دیتا ہے جس میں سیاہ بادل، بجلی، تیز ہوائیں، بارش، گرج چمک کے ساتھ اندھیرا ابھرتا ہے۔

حال ہی میں ایک سوشل میڈیا صارف نے ہوائی جہاز سے بنائی گئی ایک ویڈیو شیئر کی ہے جس میں طوفان کا ایک انوکھا مگر خوفناک منظر پیش کیا گیا ہے۔ اس صارف نے دعویٰ کیا کہ یہ فوٹیج زمین سے 35000 فٹ کی بلندی سے لی گئی ہے۔

[video width="400" height="700" mp4="https://c.express.pk/2023/09/air-1693931205.mp4"][/video]

ویڈیو پرم نامی سوشل میڈیا صارف نے انسٹاگرام پر پوسٹ کی۔ ویڈیو کے متن میں لکھا ہوا تھا کہ کبھی سوچا ہے کہ 35,000 فٹ پر گرج چمک کے طوفان کیسے نظر آتے ہیں؟۔

ویڈیو پورے آسمان کو روشن کرنے والی بجلی کے شدید دھماکوں سے شروع ہوتی ہے جس سے بہت سے ناظرین طوفان کی شدت سے خوفزدہ ہو جاتے ہیں۔