ایشیاکپ کیا بھارت پاکستان سے ہارنے سے ڈرتا ہے

سابق چئیرمین پی سی بی کا ایشین کرکٹ کونسل (اے سی سی) کے صدر جے شاہ کو کرارا جواب (فوٹو: آئی سی سی)

---

سابق چیئرمین پاکستان کرکٹ بورڈ (پی سی بی) نجم سیٹھی نے ایشیاکپ کے دوران سری لنکا کے شہر کولمبو میں بارش کی پیشگوئی سے متعلق ٹوئٹ کرکے ایشین کرکٹ کونسل (اے سی سی) کے صدر جے شاہ کو کرارا جواب دیدیا۔

سماجی رابطے کی سائٹ ٹوئٹر (ایکس) پر نجم سیٹھی نے ٹوئٹ کرتے ہوئے لکھا کہ ایشین کرکٹ کونسل (اے سی سی) نے پہلے پاکستان کرکٹ بورڈ (پی سی بی) کو آگاہ کیا کہ بارش کی پیش گوئی کی وجہ سے پاک بھارت میچ کولمبو سے ہمبنٹوٹا منتقل کررہے ہیں لیکن اگلی ای میل میں کہا جاتا ہے کہ میچز کولمبو میں ہی کھیلے جائیں گے، کیا بھارت پاکستان سے ہارنے سے ڈرتا ہے؟۔

مزید پڑھیں: ایشیاکپ؛ تمام میچز پاکستان میں کیوں نہیں کروائے گئے، جے شاہ کا بیان سامنے آگیا

نجم سیٹھی نے ٹوئٹ میں بارش سے متعلق پیشگوئی کی تصویر بھی شیئر کی، جس میں دیکھا جاسکتا ہے کہ کولمبو میں پاک بھارت میچ کے دوران بارش کے 89 فیصد امکانات موجود ہیں جبکہ ایونٹ کا فائنل 17 ستمبر کو شیڈول ہے جس میں بارش امکانات 60 فیصد ہیں۔

مزید پڑھیں: ایشیاکپ کے معاملے پر ایشین کرکٹ کونسل اور پی سی بی میں سرد جنگ شروع

قبل ازیں بھارتی کرکٹ بورڈ (بی سی سی آئی) کے سیکریٹری جے شاہ نے اپنے سیاسی بیان میں کہا تھا کہ براڈ کاسٹرز، میڈیا رائنٹس ہولڈرز پاکستان میں ایشیاکپ کے تمام میچز کروانے سے ہچکچارہے تھے جبکہ سیکیورٹی مسائل اور معاشی حالات بھی انکی بڑی وجہ تھی۔

واضح رہے کہ پاکستان اور بھارت کے درمیان ایشیاکپ کا گروپ میچ بارش کے باعث متاثر ہوا تھا اور دونوں ٹیموں کو ایک ایک پوائنٹس دیدیا گیا تھا۔

BCCI/ACC informed PCB today that they had decided to shift next India-Pak match from Colombo to Hambantota because of rain forecasts. Within one hour they changed their mind and announced Colombo as the venue. What’s going on? Is India afraid to play and lose to Pakistan ? Look… pic.twitter.com/8LXJnzoXNf

— Najam Sethi (@najamsethi) September 5, 2023