میک گرا نے گھر میں گھس آنے والے 3 سانپ باہر نکال دیے

سابق آسٹریلوی پیسر کا بچپن بھی ایک ایسے علاقے میں گزرا جہاں ایسی صورتحال پیدا ہوجاتی تھی۔ فوٹو: ٹویٹر

---

سابق آسٹریلوی پیسر گلین میک گرا نے گھر میں گھس آنے والے 3 سانپ باہر نکال دیے۔

سابق آسٹریلوی پیسر گلین میک گرا کا بچپن بھی ایک ایسے علاقے میں گزرا جہاں ایسی صورتحال پیدا ہوجاتی تھی، اس لیے میک گرا نے کسی خوف کا شکار ہونے کے بجائے وائپر کی مدد سے ایک ایک سانپ کو دھکیلا، جہاں ضرورت پڑی دم سے بھی پکڑ لیا، اہلیہ سارا اس دوران ویڈیو بناتی رہیں مگر خوفزدہ نظر آئیں۔

یہ بھی پڑھیں: گلین میک گرا نے اپنی 4 سیمی فائنلسٹ ٹیموں کا نام بتادیا

گلین میک گرا کی جانب سے سوشل میڈیا پر جاری کردہ ویڈیو میں ان کی آواز سنائی دیتی ہے کہ سانپ خطرناک بھی ثابت ہوسکتا ہے،میں یہ ویڈیو نہیں بنانا چاہتی۔