ہانگ کانگ میں طوفانی بارشیں 140 سال کا ریکارڈ ٹوٹ گیا

موسمیاتی بیورو نے شدید بارشوں کے خدشے کے باعث ’ بلیک رین اسٹورم‘ وارننگ جاری کردی

ویب ڈیسک September 08, 2023

ہانگ کانگ میں اسکولز بند کردئیے گئے ہیں اور لوگوں کو گھروں میں رہنے کی ہدایت کی گئی ہے:فوٹو:سوشل میڈیا

ہانگ کانگ میں طوفانی بارشوں سے معمول کی زندگی مفلوج ہوگئی۔

غیرملکی میڈیا کے مطابق ہانگ کانگ میں بارشوں کا 140 سالہ ریکارڈ ٹوٹ گیا۔ گنجان آبادی والے شہر کی سڑکیں اورگلیاں تالاب بن گئیں۔ شاپنگ مالز اور میٹرو اسٹیشنز پانی میں ڈوب گئے اور معمول کی زندگی مفلوج ہوگئی ہے۔

Torrential rain deluged Hong Kong leading to widespread flooding across the densely packed city, submerging streets, shopping malls and metro stations https://t.co/FggsMg0S8V pic.twitter.com/xfNU3MowdZ
— Reuters (@Reuters) September 8, 2023

انتظامیہ نے طوفانی بارشوں اور سیلابی صورتحال کے باعث اسکولز بند کردئیے ہیں اور لوگوں کو گھروں میں رہنے کی ہدایت کی ہے۔ ہانگ کانگ کی آبزرویٹری کے مطابق شہر میں جمعرات سے لے اب تک 158 ملی میٹرز سے زیادہ بارش ریکارڈ کی گئی ہے۔ موسمیاتی بیورو نے انتہائی شدید بارشوں کے خطرے کے پیش نظر ' بلیک رین اسٹورم ' وارننگ جاری کردی ہے۔