جوان کی کامیابی پر کنگنا رناوت خوش شاہ رخ کو دیوتا قرار دے دیا

شاہ رخ خان حقیقی زندگی کے بھی سپر ہیرو ہیں، اداکارہ

ویب ڈیسک September 08, 2023

شاہ رخ خان کی ہمت اورمحنت کو سلام کرتی ہوں، کنگنا رناوت:فوٹو:فائل

شاہ رخ خان کی نئی فلم 'جوان' کی کامیابی سے خوش اداکارہ کنگنا رناوت نے انہیں دیوتا قرار دے دیا۔

سوشل میڈیا پر شئیر کی گئی پوسٹ میں کنگنا رناوت نے کہا کہ شاہ رخ خان حقیقی زندگی کے بھی سپر ہیرو ہیں۔ نوے کی دہائی میں رومینٹک ہیرو سے لے کر تقریبا 60 سال کی عمر تک انہوں نے جو جدوجہد کی وہ مثالی ہے۔

کنگنا رناوت کا مزید کہنا تھا کہ مجھے وہ وقت یاد ہے جب لوگ لکھتے تھے کہ شاہ رخ خان ختم ہوگیا ہے اور ان کی فلموں سے متعلق چوائس کا مذاق اڑایا کرتے تھے۔ شاہ رخ خان کی جدوجہد ان تمام آرٹسٹوں کے لیے مثال ہے جو کامیابی کو انجوائے کررہے ہیں لیکن آنے والے وقت کے لیے تیار نہیں۔

WhatsApp Image 2023-09-08 at 11.10.51 AM

اداکارہ کا کہنا تھا کہ شاہ رخ خان وہ دیوتا ہیں جس کی ہندی سینما کو ضرورت ہے۔ ان کی محنت، ہمت اور انکسار کو سلام کرتی ہوں۔ بالی ووڈ کے کنگ شاہ رخ خان کی فلم جوان کل ریلیز ہوئی تھی اور پہلے ہی دن متعدد ریکارڈ توڑتے ہوئے دنیا بھر میں ڈیڑھ ارب سے زائد کا بزنس کرچکی ہے۔