ورلڈکپ براڈ کاسٹرز نے ’’فیب 5‘‘ پر مشتمل ویڈیو جاری کردی

بابراعظم عالمی نمبر ایک بیٹر کے طور پر ایونٹ میں شرکت کریں گے (فوٹو: ایکسپریس ویب)

---

بھارت میں شیڈول آئی سی سی ورلڈکپ 2023 کے لیے براڈ کاسٹرز نے جمعہ روز فیب 5 کی پروموشنل ویڈیو جاری کردی۔

آئی سی سی ورلڈکپ کے براڈ کاسٹر اسٹار اسپورٹس نے دنیائے کرکٹ کے ٹاپ 5 بیٹرز کو ویڈیو میں دیکھایا جس میں قومی کرکٹ ٹیم کے کپتان بابراعظم، انگلینڈ کے جو روٹ، آسٹریلیا کے اسٹیو اسمتھ، بھارت کے ویرات کوہلی اور نیوزی لینڈ کے کین ولیمسن شامل ہیں۔

کرکٹ کی تاریخ میں (فیب فور) کی اصطلاح نیوزی لینڈ کے انجہانی کرکٹر مارٹن کرو نے متعارف کروائی تھی، جس میں ٹاپ فور بیٹرز شامل تھے تاہم قومی ٹیم کے کپتان بابراعظم کی شاندار پرفارمنس کے بعد اسے فیب 5 میں تبدیل کردیا گیا۔

مزید پڑھیں: بابراعظم نے ویرات کوہلی کا ایک اور ریکارڈ توڑ دیا

پروموشنل ویڈیو آنے والے آئی سی سی ورلڈ کپ کی ایک دلکش جھلک پیش کرتی ہے، جس میں کھیل کی حکمت عملی اور بیٹنگ مہارت کا ایک سنسنی خیز مقابلہ ہونے کی توقع دیکھائی گئی ہے۔

مزید پڑھیں: ''ایشیاکپ؛ بابراعظم کی نیپال کیخلاف سینچری، مجھے نہیں لگتا کوئی پیغام ہے''

غور طلب بات یہ ہے کہ بابراعظم اسوقت دنیائے کرکٹ کی عالمی رینکنگ میں پہلی پوزیشن پر براجمان ہیں، انہوں نے 106 ون ڈے میچوں میں 5 ہزار 370 رنز بنائے ہیں جس میں انکی 19 سنیچریاں اور 28 نصف سینچریاں شامل ہیں جبکہ انکا بیٹنگ ایوریج 59.01 ہے۔

مزید پڑھیں: ایشیاکپ؛ روی شاستری نے بابراعظم کو نوجوان کھلاڑیوں کیلئے ''مثال'' قرار دیدیا

واضح رہے کہ بابراعظم بھارت میں ہونے والے ورلڈکپ میں عالمی نمبر ایک بیٹر کے طور پر پاکستان کی قیادت کے فرائض سرانجام دیں گے جبکہ ٹورنامنٹ کا باقاعدہ آغاز 5 اکتوبر سے 198 نومبر تک شیڈول ہے۔

Fast. Ferocious. Fantastic. Fierce. Fabled. ⚡

Words will fall short in describing the FAB 5 when they spring into action! 🏏#ViratKohli #KaneWilliamson #JoeRoot #BabarAzam #StevenSmith

Stay tuned for the #WorldCupOnStar | October 5 onwards | Star Sports Network#Cricket pic.twitter.com/HtFLJZs9Vn

— Star Sports (@StarSportsIndia) September 8, 2023