بھارت کو ایک اور دھچکا اسپین کے صدر کی جی20 اجلاس میں شرکت سے معذرت

روس اور چین پہلے ہی بھارت آنے سے انکار کر چکے ہیں، فوٹو: فائل

---

بھارت میں جی-20 ممالک کا سربراہی اجلاس ہونے والا ہے لیکن اس سے قبل یکے بعد دیگرے مودی سرکار کو ایک اور دھچکا لگا ہے۔

عالمی خبر رساں ادارے کے مطابق اسپین کے صدر پیڈرو سانچیز نے بھارت میں ہونے والے جی-20 ممالک کے سربراہی اجلاس میں شرکت کرنے سے معذرت کرلی ہے۔

اسپین کے صدر نے سوشل میڈیا پر لکھا کہ معمولی علامات ظاہر ہونے پر کورونا ٹیسٹ کرایا جو کہ مثبت آیا ہے۔ جی-20 سمٹ سمیت تمام سفری سرگرمیاں منسوخ کردیں۔

Esta tarde he dado positivo en COVID y no podré viajar a Nueva Delhi para asistir a la Cumbre del G-20.

Me encuentro bien.

España estará magníficamente representada por la vicepresidenta primera y ministra de Asuntos Económicos y el ministro de Exteriores, UE y Cooperación.

— Pedro Sánchez (@sanchezcastejon) September 7, 2023

صدر پیڈرو سانچیز نے مزید لکھا کہ میری طبیعت کافی بہتر ہے اور کوئی خطرے کی بات نہیں لیکن میں بھارت نہیں جا سکوں گا۔ خود کو قرنطینہ کرلیا۔

اس حوالے سے سوشل میڈیا پر بیان جاری کرتے ہوئے انہوں نے لکھا کہ میں بہتر محسوس کر رہا ہوں تاہم کورونا کی وجہ سے بھارت نہیں جا سکوں گا۔

بھارتی میڈیا نے دعویٰ کیا ہے کہ اب اسپین کے صدر کی جگہ نائب صدر اور وزیرِ خارجہ بھارت آئیں گے۔

یاد رہے کہ چین اور روس کے صدور پہلے ہی جی-20 سمٹ میں شرکت کے لیے بھارت جانے سے انکار کرچکے ہیں۔