شاہ رخ خان نے فلم ’جوان‘ کے لیے کتنا معاوضہ لیا

شاہ رخ خان کو فلم کی کمائی سے 60 فیصد حصہ بھی ملے گا

ویب ڈیسک September 09, 2023

شاہ رخ خان کی فلم جوان باکس آفس پر ہٹ ہوگئی ہے:فوٹو:فائل

بالی ووڈ کو ایک اور بلاک بسٹر دینے والے میگا اسٹار شاہ رخ خان نے فلم جوان کیلیے کتنا معاوضہ لیا سامنے آ گیا۔

بھارتی میڈیا کے مطابق ساؤتھ فلم انڈسٹری کے مشہور ڈائرکٹر ایٹلی کمار کی فلم 'جوان' میں کام کرنے کے لیے شاہ رخ خان نے ایک ارب بھارتی روپے معاوضہ لیا۔ فلم کی کمائی کی 60 فیصد رقم بھی شاہ رخ خان کو ملے گی۔

بالی وُڈ میں 'کنگ خان' کہلانے والے اداکار شاہ رخ خان کی فلم 'جوان' جمعرات کو ریلیز ہوئی ہے اور اس نے پہلے ہی دن باکس آفس پر 65 کروڑ بھارتی روپے کما لیے ہیں۔

مزید پڑھیں: شاہ رخ خان کی 'جوان' نے 'اوپننگ ڈے بزنس' کے سارے ریکارڈ توڑ دیئے

رپورٹس کے مطابق اداکارہ دیپیکا پڈکون کو فلم میں مختصر خصوصی کردار ادا کرنے پر 15 کروڑ بھارتی روپے دئیے گئے جبکہ اداکارہ پریامانی نے 2کروڑ بھارتی روپے بطور معاوضہ وصول کیے۔ جوان' کی کاسٹ میں شاہ رخ خان، نائنتھارا، وجے سیتھوپاتھی، پریامانی، ثانیہ ملہوترا اور سنیل گروور شامل ہیں۔