ایشیاکپ ’’بڑے میچز اور ٹورنامنٹس فاسٹ بولرز جتواتے ہیں‘‘

قومی ٹیم کے کپتان بابراعظم کا کہنا ہے کہ پاکستان کی فاسٹ بولنگ لائن اَپ اسوقت دنیا کی بہترین بالنگ ہے، بڑے میچز اور ٹورنامنٹس فاسٹ بولرز ہی جتواتے ہیں۔

ایشیاکپ میں بھارت کے خلاف سپر فور مرحلے سے قبل قومی کرکٹ ٹیم کے کپتان بابراعظم نے کولمبو میں پریس کانفرنس کرتے ہوئے کہا کہ سری لنکن کنڈیشنز سے ہم آہنگ ہوگئے ہیں یہاں 2 ماہ سے مسلسل کرکٹ کھیل رہے ہیں، کہا جاسکتا ہے کہ بھارت کے خلاف میچ میں ہمارا پلڑا بھاری ہوگا۔

فاسٹ بولرز سے متعلق پوچھے گئے سوال پر بابراعظم نے کہا کہ مجھے اپنے بولرز پر اعتماد ہے، بطور کپتان خوشی ہوتی ہے کہ اسوقت دنیا کی بہترین بولنگ لائن ہمارے پاس ہے، بڑے میچز اور ٹورنامنٹس فاسٹ بولرز ہی جتواتے ہیں۔


مزید پڑھیں: ایشیاکپ؛ '' موجودہ بالنگ لائن کو دیکھ کر وسیم، وقار کی یاد آجاتی ہے''

انہوں نے کہا کہ تمام کھلاڑی ایک دوسرے کو بیک کرتے ہیں کسی دن کسی کوئی پرفارم نہ کرسکے تو دوسرا ورنہ تیسرا اُس کی جگہ کھڑے ہونے کی کوشش کرتا ہے۔

مزید پڑھیں: ورلڈکپ؛ براڈ کاسٹرز نے ''فیب 5'' پر مشتمل ویڈیو جاری کردی

بابراعظم نے مزید کہا کہ ایشیاکپ کے شیڈول کا علم تھا، ٹرولنگ ضرور کررہے ہیں لیکن اس دوران کھلاڑیوں کا خیال رکھتے ہیں تاکہ صحیح وقت پر وہ ٹیم کو دستیاب ہوں۔