میگا تھرلر فلم ’جوان‘ کا پہلے دن 129 کروڑ کا تاریخ ساز بزنس
کنگ خان کی فلم کو پوری دنیا میں پانچ زبانوں ہندی، تیلگو، ملیالم، کناڈا اور تامل میں ریلیز کیلئے پیش کیا گیا ہے
بالی وڈ کے سپر اسٹار شاہ رخ خان کی فلم 'جوان' ریلیز کے دوسرے دن ہی سو کروڑ کے کلب میں داخل ہوگئی۔
میگا تھرلر فلم نے اپنی ریلیز کے پہلے دن 65 کروڑ کے سنگ میل کے ساتھ ہندی سینما کی سب بڑی اوپننگ حاصل کرنے والی فلم کا اعزاز بھی حاصل کیا ہے۔
دوسرے دن کے اختتام تک فلم کا ہندی سینما میں مجموعی بزنس 112 کروڑ تک پہنچ گیا جبکہ ویک اینڈ پر بزنس میں مزید اضافے کی توقع ہے۔
بھارتی میڈیا کے مطابق ایٹلی کی ہدایت کاری فلم نے مجموعی طور عالمی سطح پر پہلے دن ایک ارب 29 کروڑ روپے کا بزنس کیا جو ایک تاریخ ساز کامیابی ہے۔
شاہ رخ خان کے ہوم پروڈکشن ریڈ چیلیز نے سوشل میڈیا اکاؤنٹ پر 129 کروڑ کا پوسٹر لگایا ہے اور لکھا ہے کہ یہ تو بس شروعات ہے۔
واضح رہے کہ کنگ خان کی فلم کو پوری دنیا میں پانچ زبانوں ہندی، تیلگو، ملیالم، کناڈا اور تامل میں ریلیز کیلئے پیش کیا گیا ہے۔