پاکستان تھیٹر فیسٹیول تھیٹر ’’دی پولیس‘‘ اردو میں پیش

اویس، ارمان، زین، جون، فرحان اوردیگر نے اپنی اداکاری کے جوہردکھائے

Staff Reporter September 11, 2023

دلچسپ اور پیچیدہ کہانی کو شائقین کی جانب سے بے حد سراہا گیا۔ فوٹو: ایکسپریس

پاکستان تھیٹر فیسٹیول کے تیسرے روز تھیٹر ''دی پولیس'' اردو زبان میں پیش کر دیا گیا۔

آرٹس کونسل آف پاکستان کراچی کی جانب سے جاری پاکستان تھیٹر فیسٹیول کے تیسرے روز تھیٹر ''دی پولیس'' اردو زبان میں پیش کیا گیا مروزیک سلاومر کی لکھی گئی کہانی کو حسام عرفان نے خوبصورتی ڈائریکٹ کیا ہے جبکہ اویس ریحان، ارمان سمیع، زین العباد، جون شہیرل ، فرحان عالم صدیقی اور فرحان رحیم نے اپنی اداکاری کے جوہر دکھائے۔

دی پولیس میں دکھایا گیا کہ پولیس کس طرح ریاست کو جرائم سے پاک کرتی ہے جہاں ایک قیدی کی وفاداری آزادی کی راہ ہموار کرتی ہے جیسے جیسے حقیقت سامنے آتی ہے اس کا ضمیر زندہ ہوتا جاتا ہے، اخلاقیات اور طاقت کی ایک تحقیقی ، دلچسپ اور پیچیدہ کہانی کو شائقین کی جانب سے بے حد سراہا گیا جبکہ اسٹوڈیو میں تھیٹر دیکھنے والوں کی بڑی تعداد موجود تھی۔