ایشیاکپ کوہلی ون ڈے میں تیزترین 13 ہزار رنز بنانے والے بیٹر بن گئے
پاکستان کیخلاف میچ میں بھارتی بلے باز نے ون ڈے کیریئر کی 47 ویں سنچری بھی بنائی
بھارت کے مایہ ناز بلے باز ویرات کوہلی ون ڈے فارمیٹ میں تیز ترین 13 ہزار رنز بنانے والے بلے باز بن گئے۔
پیر کو کولمبو میں پاکستان کیخلاف ایشیا کپ سپر فور مرحلے کے میچ میں بھارت کے اسٹار کرکٹر ویرات کوہلی نے ایک اور سنگ میل عبور کرتے ہوئے ون ڈے فارمیٹ میں تیز ترین 13,000 رنز مکمل کرلیے۔
انہوں نے یہ کارنامہ اپنی 267 ویں اننگز میں انجام دیا۔ اس سے قبل یہ ریکارڈ ہندوستانی کرکٹ لیجنڈ سچن ٹنڈولکر کے پاس تھا جنہوں نے 321 ون ڈے اننگز میں یہ تاریخی اعزاز حاصل کیا تھا۔
مزید پڑھیں: بابراعظم نے ویرات کوہلی کا ایک اور ریکارڈ توڑ دیا
پاکستان کیخلاف ایشیا کپ سپر فور مرحلے کے میچ میں ویرات کوہلی نے 94 گیندوں پر 122 رنز کی شاندار اننگز کھیلی اور ناٹ آؤٹ رہے۔ ویرات کوہلی نے اس میچ میں اپنے ون ڈے کیریئر کی 47 ویں سنچری بنائی۔
مزید پڑھیں: ایشیاکپ؛ نیپالی گانے پر کوہلی کے ڈانس نے فینز کو حیران کردیا
بھارت کے لیجنڈ بلے باز سچن ٹنڈولکر نے 435 اننگز میں 47 ون ڈے سنچریاں بنائی تھیں جبکہ ویرات کوہلی نے صرف 267 اننگز میں سینتالیس سنچریاں مکمل کی ہیں۔