آل راؤنڈر عماد وسیم کی ٹیم میں شمولیت کا مطالبہ زور پکڑ گیا
ٹیم کی سلیکشن میں پسند ناپسند کے بجائے میرٹ دیکھنا چاہئے، کرکٹ شائقین (فوٹو: ٹوئٹر)
بھارت کیخلاف میچ میں قومی ٹیم کی بدترین شکست اور حارث رؤف و نسیم شاہ کی انجریز کے باعث آئندہ میچز میں شرکت مشکوک ہونے کے باوجود عماد وسیم کو نظرانداز کرنے پر شائقین کرکٹ نے سخت ردعمل کا اظہار کیا ہے۔
سوشل میڈیا پر عماد وسیم کی ٹیم میں شمولیت کا مطالبہ کیا جارہا جس پر منگل کو آل راونڈر کا نام ٹوئٹر پر ٹرینڈ کرنے لگا۔
مزید پڑھیں: ایشیاکپ؛ آغا سلمان کی بھی اگلے میچ میں شرکت مشکوک! مگر کیوں
سینئر اسپورٹس صحافی اور اینکرپرسن سید یحییٰ حسینی نے اپنے ٹویٹ میں لکھا کہ اب بھی وقت ہے عماد وسیم کو ورلڈ کپ اسکواڈ میں شامل کر لینا چاہئے، کپتان بابراعظم نے سارے تجربے کرلئے اب حق دار کو اس کا حق دینے کا وقت ہے۔ ٹیم کی سلیکشن میں پسند ناپسند کے بجائے میرٹ پر فیصلے ہونے چاہئیں۔
Please bring back imad wasim, he looks in good form in CPL
He is a wicket taker,Economical, proper batter
Bowls in powerplay also
عماد وسیم کے پرستاروں کا کہنا ہے کہ آل راؤنڈر کو ورلڈ کپ اسکواڈ کا حصہ ہونا چاہیے، اگر کوئی آپ کو پسند نہیں تو اس کی شکل نہ دیکھیں، یہ سوچ کر فیصلہ کریں کہ وہ ٹیم کے کام آ سکتا ہے، عماد اچھے اسپنر ہونے کے ساتھ باصلاحیت بیٹسمین بھی ہیں۔
شائقین کرکٹ کا کہنا ہے کہ عماد وسیم کو نمبر چھ پر کھلایا جائے تو بہت مدد ملے گی ٹیم کو کیونکہ وہ بہتر پاور ہٹنگ کرسکتا ہے۔
جس عماد وسیم کو بابر اعظم اور انظمام الحق نے ٹیم میں لیا نہیں اس کی پرفارمنس دیکھ لو آج ویسٹ انڈیز کی کریبیئن پریمیئر لیگ میں عماد وسیم نے 36 بالز پر 63 رنز بنائے جس میں 3 چوکے اور 5 چھکے مارے اسٹرائیک ریٹ 175 کا ہے
واضح رہے کہ گزشتہ روز شاہنواز دھانی اور زمان خان کو ٹیم میں بیک اَپ کے طور پر طلب کیا گیا تھا تاہم لیگ کرکٹ میں عمدہ پرفارمنس کے باوجود عماد وسیم کو نظر انداز کرنے پر شائقین کی جانب سے سوالات اٹھائے جارہے ہیں۔