پاکستان اور جنوبی افریقا ویمن کرکٹ ٹیموں کی کراچی میں ساحل سمندر پر سیر و تفریح

پاکستان اور جنوبی افریقا کی ویمن ٹیموں نے ساحل سمندر پر سیر و تفریح کی۔






دونوں ٹیمیں بدھ کو دوپہر ساڑھے تین بجے سے شام ساڑھے چھ بجے تک نیشنل اسٹیڈیم میں پریکٹس سیشن میں حصہ لیں گی، پاکستان اور جنوبی افریقہ ویمن ٹیموں کے درمیان ون ڈے انٹرنیشنل سیریز کا تیسرا اور آخری میچ جمعرات کو کھیلا جائے گا۔

مہمان ٹیم پہلے دونوں میچز جیت کر سیریز اپنے نام کرچکی ہے، سیریز آئی سی سی رینکنگ چیمپین شپ کا حصہ ہے، قبل ازیں ٹی ٹونٹی انٹرنیشنل ویمن سیریز کے تینوں میچز پاکستان نے جیتے تھے۔