ہماری بیٹیاں ہمارا مستقبل ہیں شاہ رخ خان

فلم ’جوان ‘ گرل پاور سے متعلق ہے، شاہ رخ خان

ویب ڈیسک September 14, 2023

شاہ رخ خان کی نئی فلم جوان نے متعدد نئے ریکارڈ قائم کیے ہیں:فوٹو:فائل

بالی ووڈ کے میگا اسٹار شاہ رخ خان کا کہنا ہے کہ ہماری بیٹیاں ہمارا مستقبل ہیں۔

اداکار شاہ رخ خان اپنی نئی فلم 'جوان' کی غیرمعمولی کامیابی کے بعد سوشل میڈیا پر اپنے فینز سے مسلسل رابطے میں ہیں۔

شاہ رخ خان کے ایک مداح نے انہیں سماجی رابطے کی ویب سائٹ ایکس (ٹوئٹر) پر بتایا کہ میری 2 سالہ بیٹی نے فلم جوان دیکھ کر گھر واپسی پر ایک پوسٹر بنایا جس میں گلابی رنگ نمایاں تھا کیونکہ اس کے خیال میں جوان میں 'گرل پاور' کو دکھایا گیا ہے۔ اسے وکرم راٹھور بھی پسند آیا۔

شاہ رخ خان نے مداح کو جواب دیتے ہوئے کہا کہ آپ کی بیٹی بالکل صحیح سمجھی ہے۔ فلم ' جوان ' واقعی گرل پاور سے متعلق ہے۔

بالی ووڈ کے بادشاہ کا مزید کہان تھا کہ ہماری بیٹیاں ہمارا مستقبل ہیں۔ اس بات سے وکرم راٹھور کو بھی اتفاق ہے۔اپنی بیٹی کو میرا پیار اور دعائیں دیجئے گا۔ 'جوان' میں شاہ رخ کے کردار کا نام وکرم راٹھور ہے۔ شاہ رخ خان 23 سالہ بیٹی سہانا خان کے والد ہیں۔

جوان کی کاسٹ میں شاہ رخ خان کے ساتھ اداکارہ ثانیا ملہوترا، پریا مانی، نینتھرا اور دپیکا پڈکون نے بھی اداکاری کے جوہر دکھائے ہیں۔ فلم جوان گلوبل باکس آفس پر تیزی سے 500 کروڑ کمانے والی فلم بن گئی ہے۔