متحدہ عرب امارات میں یکم رمضان اور عید کب ہوگی فلکیاتی بورڈ نے بتا دیا

متحدہ عرب امارات میں ربیع الاوّل کا چاند 16 ستمبر کو دکھائی دینے کا امکان ہے، فلکیاتی سوسائٹی بورڈ

ویب ڈیسک September 14, 2023

متحدہ عرب امارات میں ربیع الاوّل کا چاند 16 ستمبر کو نظر آئے گا، فوٹو: فائل

متحدہ عرب امارات میں ربیع الاوّل کا چاند 16 ستمبر کو نظر آنے کا امکان ہے جب کہ قومی فلکیاتی ادارے نے یکم رمضان المبارک اور عید الفطر کی تاریخوں کی بھی ابھی سے پیشن گوئی کردی۔

عرب میڈیا کے مطابق متحدہ عرب امارات کی فلکیاتی سوسائٹی نے امکان ظاہر کیا ہے کہ ربیع الاوّل کا چاند 16 ستمبر کو نظر آنے کا قوی امکان ہے۔ ماہرین فلکیات نے امارات میں رمضان اور عید کی ممکنہ تاریخوں کا بھی اعلان کردیا۔

اماراتی فلکیاتی بورڈ آف ڈائریکٹر کے چیئرمین ابراہیم الجرون کا کہنا تھا کہ آئندہ برس مارچ کے دوسرے ہفتے میں ماہ رمضان کے آغاز کا امکان ہے اور عید الفطر 10 اپریل کو ہوگی۔

تاہم متحدہ عرب امارات کے فلکیاتی سوسائٹی کا یہ بھی کہنا ہے کہ رمضان اور عید کی تاریخوں حتمی طور ان مہینوں میں چاند نظر آنے کے بعد ہی کی جا سکتی ہے۔

عمومی طور پر پاکستان میں چاند عرب ممالک میں نمودار آنے کے اگلے روز نظر آتا ہے۔