مراکش میں تباہ کن زلزلے سے پہلے آسمان پر پُراسرار روشنی

مراکش میں تباہ کن زلزلے سے پہلے آسمان پر پراسرار روشنی کی ویڈیو کیمرے میں محفوظ ہوگئی۔

مراکش میں 8 ستمبر کو 6.8 شدت کا زلزلہ آیا تھا جو ابتک ملک میں کئی دہائیوں میں آنے والا سب سے مہلک زلزلہ قرار دیا گیا ہے۔ زلزلے میں اب تک کی اطلاعات کے مطابق 3 ہزار افراد ہلاک اور ساڑھے 5 ہزار کے قریب زخمی ہوچکے ہیں۔

ماہرین کا خیال ہے کہ یہ زلزلہ افریقہ کی ٹیکٹونک پلیٹ کے شمال کی طرف بڑھنے اور یوریشین پلیٹ سے ٹکرانے کے نتیجے میں آیا ہے لیکن زلزلہ آنے سے پہلے مراکش کے کچھ لوگوں نے آسمان پر پُر اسرار روشنیاں دیکھی تھیں جو کیمروں میں بھی محفوظ ہوئی ہیں۔ ایکس پر شیئر کیے گئے ایک کلپ میں نیلی رنگ کی روشنی کو آسمان پر ابھرتے دیکھا جاسکتا ہے۔


ماہرین کے مطابق یہ روشنیاں نایاب ہیں لیکن ان کو 'زلزلے کی روشنی' کہا جاتا ہے۔ زلزلے کی لائٹس معمول کی روشنی کے بولٹ سے مختلف ہوتی ہیں جو آپ زلزلے کے دوران دیکھ سکتے ہیں۔ یہ زمین سے بادل تک سفر کرتے ہیں اور زمین کے اندر زلزلہ کی سرگرمی سے منسلک برقی چارجز سے متحرک ہوتے ہیں۔

امریکی جیولوجیکل سروے کے مطابق زلزلے کی روشنیاں مختلف شکلوں میں آسکتی ہیں۔ یہ روشنی خود کو آسمانی بجلی، روشنی کی گیندوں اور مستقل چمک کے طور پر پیش کر سکتی ہیں۔ ماہرین کا خیال ہے کہ یہ روشنی زلزلے کی پلیٹ ٹیکٹونک کی حرکت سے پیدا ہوتی ہے۔