برطانیہ سارہ کیس میں والد سوتیلی والدہ اور چچا پر قتل کا الزام عائد

سارہ کے والد، سوتیلی والدہ اور چچا پاکستان آ کر روپوش ہوگئے تھے:فوٹو:ویب ڈیسک

---

برطانوی پولیس نے 10 سالہ بچی سارہ کے قتل کیس میں والد ، سوتیلی والدہ اور چچا پر قتل کا الزام عائد کردیا۔

برطانوی نشریاتی ادارے کے مطابق سرے پولیس کا کہنا ہے کہ سارہ شریف کے والد 41 سالہ عرفان شریف، سوتیلی والدہ 29 سالہ بینش بتول اور چچجا 28 سالہ فیصل ملک کے خلاف کارروائی کا آغاز کر دیا گیا ہے۔ تینوں پر بچی کی موت کا سبب بننے یا ہونے دینے کا الزام عائد کیا گیا ہے۔ انہیں آج گلڈفورڈ مجسٹریٹ کی عدالت میں پیش کیا جائے گا۔

مزید پڑھیں: سارہ شریف قتل؛ والد ،سوتیلی ماں اور چچا برطانیہ پہنچنے پرگرفتار

تینوں افراد کو 10 سال کی سارہ شریف کے قتل کے شبے میں پاکستان سے برطانیہ واپسی پر گیٹ وک ائیرپورٹ سے گرفتار کیا گیا تھا۔ سارہ شریف کی لاش 10 اگست کو ووکنگ میں اُن کے گھر سے ملی تھی اور پوسٹ مارٹم رپورٹ میں ان کے جسم پر زخموں کے متعدد نشانات پائے گئے تھے۔