انسداد دہشت گردی کی عدالت نے پاکستان تحریک انصاف کے مرکزی صدر اور سابق وزیراعلیٰ پنجاب چوہدری پرویز الہیٰ کی جوڈیشل کمپلیکس ہنگامہ آرائی کیس میں ضمانت منظور کرلی۔

اسلام آباد کی انسداد دہشت گردی کی عدالت میں پرویز الہیٰ کی جانب سے دائر درخواست ضمانت پر سماعت ہوئی۔ جہاں جج نے ریمارس دیے کہ پرویز الہیٰ سے کچھ برآمد نہیں ہوا۔

عدالت نے چوہدری پرویز الہیٰ کی جوڈیشل کمپلیکس ہنگامہ آرائی کیس میں ضمانت منظور کرتے ہوئے بیس ہزار روپے کے مچلکے جمع کرانے کا حکم بھی دیا۔

دوسری جانب پاکستان تحریک انصاف کے مرکزی صدر نے مزید کسی مقدمے میں گرفتاری سے بچنے کیلیے اسلام آباد ہائیکورٹ میں درخواست دائر کرنے کا فیصلہ کیا ہے۔