لاہور ایم ڈی کیٹ 2023 کے نتائج کا اعلان کردیا گیا

یونیورسٹی آف ہیلتھ سائنسز نے ایم ڈی کیٹ 2023ء کے نتائج کا اعلان کردیا، جس کے مطابق 96 فیصد سے زائد طلبا نے اچھے نمبر حاصل کیے۔

یونیورسٹی آف ہیلتھ سائنسز نے ایم ڈی کیٹ 2023ء کا آفیشل رزلٹ جاری کردیا، ترجمان یو ایچ ایس کے مطابق پنجاب میں میڈیکل اور ڈینٹل کالجوں میں داخلے کیلئے ٹیسٹ 10 ستمبر کو لیا گیا تھا۔ جس کے نتائج اب ویب سائٹ پر جاری کردیے گیے ہیں۔


ترجمان کے مطابق امیدوار اپنا رول نمبر اور نام ڈال کر رزلٹ ڈاؤن دیکھ سکتے ہیں۔

پی ایم ڈی سی کے مطابق میڈیکل میں داخلوں کیلئے ایم ڈی کیٹ کے پاس مارکس 55 فیصد جبکہ ڈینٹل کالجوں میں داخلے کیلئے ایم ڈی کیٹ کے پاس مارکس 50 فیصد تھے۔

پنجاب میں مجموعی طور پر 65221 امیدواران نے شرکت کی جن میں سے 54131 امیدواروں نے 50 فیصد سے زائد نمبر حاصل کیے جبکہ 200 میں سے 193 نمبر حاصل کرنے والے طلبا کی شرح 96 اعشاریہ 50 فیصد رہی۔