وفاقی ڈیلی ویجز اساتذہ اور غیر تدریسی ملازمین کی تنخواہوں میں اضافہ

فوٹو: فائل

---

وفاقی تعلیمی اداروں کے ڈیلی ویجز اساتذہ اور غیر تدریسی عملے کی تنخواہ 32 ہزار روپے کردی گئی۔

وفاقی حکومت نے رواں مالی سال کے بجٹ میں کم سے کم تنخواہ 32 ہزار روپے مقرر کی تھی۔ اس سے پہلے ڈیلی ویجز ملازمین اور اساتذہ کو 25000 روپے تنخواہ دی جارہی تھی۔

وزارت تعلیم نے کم از کم تنخواہ 32 ہزار روپے مقرر کرنے کا باضابطہ نوٹیفیکیشن جاری کردیا۔ تنخواہ میں اضافے کا اطلاق یکم جولائی 2023 سے ہوگا۔