ایرانی صدر کی تقریر میں خلل ڈالنے پراسرائیلی سفیر کو سیکورٹی نے باہر نکال دیا

اسرائیلی سفیر کو جنرل اسمبلی اجلاس سے نکالے جانے کی ویڈیو وائرل ہوگئی:فوٹو:اسکرین گریب

---

اقوام متحدہ میں ایرانی صدر کی تقریر کے دوران شور شرابا کرنے پر اسرائیل کےسفیر کو باہر نکال دیا گیا۔

برطانوی میڈیا کے مطابق اقوام متحدہ میں ایران کے صدر ابراہیم رئیسی اقوام متحدہ کی جنرل اسمبلی سے خطاب کررہے تھے۔ اس دوران اسرائیل کے سفیر جلعاد أردان نے اپنی نشست سے کھڑے ہو کر تقریر میں خلل ڈالنے کی کوشش کی۔انہوں نے شور شرابا کیا اور پوسٹر لہرایا۔

 

اقوام متحدہ میں اسرائیل کے سفیر جلعاد أردان کو جنرل اسمبلی کے اجلاس کے دوران ایرانی صدر کی تقریر میں رکاوٹ ڈالنے پر اقوام متحدہ کی سکیورٹی نے حراست میں لے کر باہر نکال دیا pic.twitter.com/KlMWZh9Gnd

- Independent Urdu (@indyurdu) September 20, 2023

ایرانی صدر ابراہیم رئیسی نے اسرائیلی سفیر کی حرکت سے متاثرہوئے بغیر سکون سے اپنی تقریر جاری رکھی۔ اسرائیلی سفیر کی حرکت پر فوری طور پر سیکورٹی کو طلب کیا گیا جس نے انہیں حراست میں لے کر اسمبلی سے باہر نکال دیا۔ اسرائیلی سفیر کو جنرل اسمبلی اجلاس سے نکالے جانے کی ویڈیو سوشل میڈیا پر وائرل ہوگئی۔